වීසා බලපත්‍ර දීර්ග කිරීමේදී ඔබ සැලකිලිමත් විය යුතු කරුණු

ජපන් පාසල්, කාර්මීක විද්‍යාල සහ විශ්ව විද්‍යාලවල ඉගෙනුම ලබන ඔබට මේ කාලයේ වීසා බලපත්‍ර දීර්ග කිරීමට සිදුවෙනවා. මේ අතරින් කාර්මීක විද්‍යාලවල සිසුන්ගෙ වීසා දීර්ග කිරීමෙ ප්‍රමාණයද වැඩිවී තිබෙනවා. සිසුන්ගේ නොදැනුවත්කම නිසා මුහුණ පාන ගැටලුද තිබෙනවා.

වීසා බලපත්‍ර දීර්ග කිරීමේදී ඔබ සැලකිලිමත් විය යුතු කරුණු කිහිපයක් පහතින් දැක්වේ.

සූදානම් කල යුතු ලියකියවිලි

1.වීසා අයදුම්පත්在留期間更新許可申請書(ざいりゅうきかんこうしんきょかしんせいしょ) ( අයදුම්පත් ඔබේ පාසලින් හෝ ආගමන විගමන කාර්යාලයෙ වෙබ් අඩවියෙන් ලබාගත හැකිය http://www.moj.go.jp/content/000103536.pdf )
ඉහත ලින්ක් එකේ අයදුම්පත් දෙකක් ඔබේ පාසලින් සහතික කර ගත යුතුයි. අනිත් අයදුම්පත් ඔබ විසින් පිරවිය යුතුයි.

2.ඔබෙගේ පාසල් ගාස්තු සහ ජීවන වියදම් තහවුරු කිරීමේ ලියකියවිලි.
@在留期間更新申請に係る質問書(ざいりゅうきかんこうしんしんせいにかかるしつもんしょ)
https://goo.gl/p6xB8X
@滞在費支弁に関する申告書(たいざいひしべんにかんするしんこくしょ)
https://goo.gl/iu5uDu

මෙහිදී ඔබේ පාසල් ගාස්තු ගෙවීම සිදුකල යුත්තේ ඔබ ජපානයට මුලින් පැමිණෙන විට ලියකියවිලි වල සදහන් කල පුද්ගලයා විසින්. සාමාන්‍ය වශයෙන් පාසල් ගාස්තු ගෙවීමේ භාරකරු වශයෙන් එහි සදහන් කරන්නේ ඔබේ මව හෝ පියා.

3.තම රටින් මුදල් ගෙන්වූ බවට පෙන්විය යුතු මූලික ලියකියවිලි.
බැංකු හරහා ගෙන්වා මුදල් ගෙවීමේදී
海外送金証明書(かいがいそうきんしょうめいしょ)
https://goo.gl/Yvpzc7
ඉහත ලියකියවිල්ල තම රටේ බැංකුව මාර්ගයෙන් ජපානයේ බැංකුවට මුදල් එවීමෙන් පසු ජපානයේ බැංකුවෙන් ඔබට එවන ලද ලියකියවිල්ලයි.

ඊලග ක්‍රමය තමයි තම රටට ගිහින් පැමිණෙන පුද්ගලයකු විසින් ඔබේ භාරකරුගෙන් මුදල් ලබාගෙන ජපානයට රැගෙන ඒම. එවිට එම මුදල් රැගෙන ජපානයට පැමිණි පසු එම පුද්ගලයාගේ ගමන් බලපත්‍රයේ පිටපත් මුදල් රැගෙන ආ බවට සහතික කිරීමට ඔබ විසින් ඉදිරිපත් කල යුතුයි. මෙම ක්‍රමය සිසුන් විශාල වශයෙන් අනුගමනය කරනවා.

අපි දැක තිබෙනවා සමහර සිසුන් තුන් හතර දෙනා එකම පුද්ගලයකු මුදල් රැගෙන පැමිණී බව කියා ලියකියවිලි ඉදිරිපත් කිරීම සිදු කරනවා. එවැනි දේවල් වලින් වැලකී සිටීම ඔබේ වීසා එකට ප්‍රශ්නයක් වීමේ සම්බාවිතාව අඩුයි. හොදම ක්‍රමය ඔබේ පසල් ගාස්තු භාරකරු හරහා තම රටේ බැංකුවක සිට ජපානයේ තමන්ගෙ හෝ පාසලේ ගිණුමට මුදල් ගෙන්වීමයි.

4.අර්ධ කාලීන රැකියා කිරීමට බලාපොරොත්තු වන ඔබ ආගමන කාර්යාලයෙන් අර්ධ කාලීන රැකියාව කිරීමට අවසරය ලබාගත යුතුයි!
එම අවසර පත්‍රය සදහා ඉල්ලුම් කරන අයදුම්පත

5.ඔබ ජපන් පාසල අවසන් කර අලුතින් ඇතුලත් වන පාසල සම්බන්ධ විස්තර ආගමන කාර්යාලයට දැනුම් දීමේ අයදුම්පත.
https://goo.gl/TCdZs1

මූලික වශයෙන් ජපානයේ පාසල් යන සෑම සිසුවෙකුම තම ශිෂය වීසා දීර්ග කිරීමේදී ඉහත කරුණු අවශ්‍ය වෙනවා. මේ පිළිබද මගෙන් ප්‍රශ්න අහන සිසුන් විශාල ප්‍රමාණයක් මුහුණු පොතේ ඉන්නවා. සියලුම දෙනාගේ දැන ගැනීම පිණිස මෙලෙස සටහන් කලා.

මීට අමතරව ඔබ අවසන් කල ජපන් පාසලින්( 日本語学校 にほんごがっこう)
出席証明書(しゅっせきしょうめいしょ)
成績証明書(せいせきしょうめいしょ)
卒業証明書(そつぎょうしょうめいしょ) ලබා ගත යුතු අතර ඒ වගේම ඔබ ඉගෙනුම ලබන නව පාසලින් (専門学校せんもんがっこう)
入学許可証(にゅうがくきょかしょ)
在学証明書(在学しょうめいしょ)
出席証明書(しゅっせきしょうめいしょ)
所属機関作成申請書(しょぞくきかんさくせいしんせいしょ) ලියකියවිලි ලබාගත යුතුයි.

නොදැනුවත් දෙයක් තිබේනම් ඔබේ පාසලේ වීසා භාරව සිටින සෙන්සෙයි ගෙන් අසා දැන ගන්න.

ඔබට අයදුම්පත් පිරවීමේදී පහසුවට අයදුම්පත්වල සාම්පල් මේ ලින්ක් එකට ඇතුලත් කලා.

留学生ビザ更新サンプル用

ජපන් ජීවිතය ජය ගැනීමට වෙරදරන සියලුම සිසුන්ට සුභ අනාගතයක් වේවා!

කතෘ අයිතිය සුරකින්න.

ස්තූතියි!
සම්පත් හෙට්ටිආරච්චි!
2018/05/19

 

ජපන් එනකොට මොනවද ගෙන්න අවශ්‍ය

ජපන් එන්න ඉන්න හුඟක් ශිෂයන් අහන ප්‍රශ්ණයක් තමයි ජපන් එනකොට මොනාද අපි ගෙන්න ඔනෙ කියන එක.

ගෙන්න ඔන බඩු ටික කිවොත් මෙහෙමයි.

01 – පුලුවන් උපරිමෙන්ම ගෙන්න කුලු බඩු. එ කියන්නෙ

තුනපහ . ( අමු / බැදපු) තුනපහ පොඩි පොඩි පැකට් කරලා ගෙන්න ( එ කියන්නෙ ග්‍රැම් 200 වගෙ පැකට්) තුනපහ 10 kg ක් ගෙනාවත් අහක යන්නෙ නැ.

කැලි මිරිස් , මිරිස් කුඩුත් එ වගෙමය.

අනිත් ජාති ටික කියන්න ඔනෙ නැනෙ( කහ , ගම්මිරිස් , වගෙ ටික[ ලුනු මෙහෙ ගන්න තියෙ ) මුලිකවම කියන්න ඔන ඔය ටික.

රම්පෙ , කරපිංචා , කුරුඳු පොතු , ගොරක ටිකක් එහෙම ගෙනාවට අහක යන්නෙ නැ.

හාල් පොල් එහෙම උස්සං එන්න එපා.

තේ කොළ ගෙන්න ( T bag )

කොපි එහෙමත් මෙහෙ නැතුවම නෙමෙ.

02 – පාස්පොර්ට් සයිස් චායරූප කිපයක්.

03 – ඇඳුම්. අනවශය විදිහට ඇඳුම් ගෙන්න එපා. ලංකාවෙ වගෙම මෙහෙ ඇඳුම් ලාභෙට ගන්න තැන් තියෙ .

ජර්සියක් ගෙන්න හොඳ. කොටුවෙ මෙන් ස්ට්‍රිට් එකෙ winter collection කියලා කඩයක් තියෙ ( අස්සක තියෙන පොට් එකක්) කොටුවෙ මල්වත්ත පාරෙ බැග් කඩෙකින් ඇහුවත් කියනව.

04 – බෙහෙත් වර්ග.

සමහන්
පස් පංගුව
අසමොදගම් බොතලයක් දෙකක්
ෆාමසියෙන් ගන්න අපිට දයිනිකව ඔන වෙන බෙහෙත් ටිකක්.

එ කියන්නෙ

උණට කැස්සට හෙම්බිරිස්සාවට වගෙ ඔන වෙන බෙහෙත් ජාති ටිකක්.

05 – සපත්තු

01 – සපත්තු මෙහෙ ගන්න තියෙ. නමුත් ලංකාවත් එක්ක සංසන්දනය කලාම මිලෙන් ඉහලය.

ලංකාවෙ මිලටම ගන්න බැරිත් නැ.

02 – බාටා සෙරප්පු කුට්ටම් දෙකක් විතර ගෙන්න ( waves වගෙ )

06 – සල්ලි

මෙක තමයි ප්‍රදානම කාරනය.

සල්ලි ටිකක් යහමින් අනිවාර්‍යෙන් ගෙන ආ යුතුය . එය ලෂ 1 ක් ද 2 ක් ද කියලා කියන්න බැ . හැකි උපරිමෙන්ම කියන එකයි මගෙ මතෙ නම්.

මංදා ආපු අලුත රස්සවක් හොයා ගන්න එක ලෙහෙසි නැ. රස්සවක් කලත් මාසයක් ජිවත් වෙන්න අතෙ සල්ලි තියෙන්න ඔනෙ. කොච්චියෙ යන්න එන්න , පොඩි බඩගින්නකට කන්න බොන්න එහෙම. ජපානය කියන්නෙ වියදම් අදික රටක් ය.
එය ලංකාව හා සංසඳනය කරන්නට එපා.

බයිසිකලයක් එහෙම ගන්නට වෙයි. එක තමන් යන ප්‍රදෙශය අනුව වෙනස් වෙ. නමුත් බයිසිකලයක් තියෙන එක වටින්නෙය.

සල්ලි ටිකක් වැඩිපුර ගෙන්න කියන්නෙ ඇවිල්ලා ටික දවසක් යනකොට ඉන්න පරණ අයගෙන් සල්ල්ජ් ඉල්ලනට සිද්ද වෙන ප්‍රවණතාවය අඩු කර ගන්නටය. මංද ඇවිල්ලා ඉන්න අයට ඔබ වෙනුවෙන් යමක් කරන්නෙ නම් එය සිමා සහිතය.

සල්ලි ගන්නකොට ගුවන්තොටුපලෙ පිහිටා ඇති බැංකුවකින් මුදල් හුවමාරු කර ගන්න එක අගනෙය. එය ඔබෙ ගුවන් ගමන් බලපත්‍රයෙ සටහන් වන නිසාය. සුලු ලාභයකට පිටිං ගන්නවාට වඩා එය අනාගතයට ප්‍රයොජනවත්‍ ය

Janith Arandara

විශ්ව විද්‍යාල අවසන් කර 就職活動(しゅうしょくかつど) ජපානයේ රැකියාවක්

2018 මාර්තු මස කාර්මීක විද්‍යාල සහ විශ්ව විද්‍යාල අවසන් කර 就職活動(しゅうしょくかつど) ජපානයේ රැකියාවක් සෙවීම සදහා මහන්සි වන සිසුන් වෙත.

මේ සදහා ජපානයේ ආගමන විගමන දෙපාර්තුමේන්තුවෙන් ඔබට特定活動(とくていかつどう) වීසා කැටගරිය යටතේ මාස 6 ගානේ දෙපාරක් එනම් අවුරුද්දක කාලයක් රැකියා සොයා ගැනීම සදහා වීසා ලබා දෙනවා. ඒ සදහා ඔබ විසින් දැනුවත් විය යුතු කරුණු නම්,

専門学校(せんもんがっこう) එකක් අවසන් වන සිසුන් ඔවුන්ගෙ දෙවැනි අවුරුද්දේ සිට ජපානයේ ආයතන වලට රැකියා සදහා ඉල්ලුම්පත් යැවීම සහ රැකියා සම්මන්ත්‍රණ වලට සහභාගී වීම කරමින් සිටිනවා. මෙය සැම කාර්මීක විද්‍යාලයකම සිසුන්ව දැනුවත් කරනු ලබන්නේ දෙවැනි අවුරුද්දේ සිටයි.

උදාහරණයක් වශයෙන් මේ අවුරුද්දේ මාර්තු පාසල් අවසන් කරන සිසුන් 就職活動(しゅうしょくかつどう)ආරම්භ කරන්නේ ගිය අවුරුද්දේ සැප්තැම්බර් සහ ඔක්තෝබර් මාස වල සිටයි.

ආයතන වල සම්මුක පරීක්ෂණ වලින් සමත් සිසුන් මේ අවුරුද්දේ පාසල් අවසන් කර තමන්ගේ ස්ටුඩන්ට් වීසා එක රැකියා වීසා එකට මාරු කර ගැනීමට පුලුවන්. ඔබට පාසල අවසන් කරන්න පෙර වුණත් රැකියා වීසා එකට ඉල්ලුම් කරන්න පුලුවන් නම් එය වඩාත් හොදයි. පාසල මාර්තු මස අවසන් වන නිසා අප්‍රියෙල් මස සිට වීසා ලැබුනට පසු ඔබේ ස්ථීර රැකියාව ආරම්භ කිරීමට පුලුවන් වෙනවා.

නමුත් ඔය අතරින් සම්මුක පාරීක්ෂණ වලින් අසමත් වන සිසුන්ට මේ අවුරුද්දේ මාර්තු වලින් පස්සෙ ඒ කියන්නෙ තමන්ගේ 専門学校එක හෝ 大学එක අවසන් කල පසු 就職活動කිරීමට ජපන් ආගමන දෙපාර්තුමේන්තුවෙන් 特定活動( とくていかつどう) වීසා එක ලබා දෙනවා. මෙය ලබා ගැනීමට නම් ඔබ ඩිප්ලෝමාව අවසන් කරන පාසලින් 推薦書( すいせんしょ)
මෙයින් සදහන් වෙන්නෙ ඔබට රැකියාවක් සෙවීමට සියලුම සුදුසුකම් ඇති බව සනාථ කරන ලියකියවිල්ලයි.

කලින් අවුරුදු ගණනාවක සිට පාසල් වලින් මේ සදහා ලියකියවිලි සිසුන්ට ලබා දුන්නත් ගිය අවුරුද්දේ සිට පාසල් ගණනාවකින්ම මේ සදහා ලියකියවිලි ලබාදීම ප්‍රතික්ෂේප කර තිබෙනවා.

එයට හේතුව තමයි රැකියා සෙවීම සදහා වීසා ලබාගෙන විශාල සිසුන් ප්‍රමාණයක් රැකියාවක් සොයා ගැනීමට උනන්දුවක් නැතිවීම සහ ජපානයේ තමුන්ගෙම ව්‍යාපාර ආරම්භ කිරීමට යෑම. 投資経営(とうしけいえい)Investment management

තමන්ගෙම ව්‍යාපාරයක් ආරම්භ කිරීමට නම් රැකියා සෙවීමේ 特定活動(とくていかつど) වීසා එකට යන්නේ නැතිව කෙලින්ම පාසල අවසන් වීමට මාස දෙක තුනකට කලින්වත් ව්‍යාපාරයක් කිරීමට ( 投資経営(とうしけいえい)Investment management වීසා බලපත්‍රයට අයදුම් කරන එක සුදුසුයි.

ඔබ අත මුදල් තිබෙනවනම් තමන්ගෙම ව්‍යාපාරයක් ආරම්භ කරීම හොදයි නමුත් හරි හැටි නොදැනුවත්ව ආරම්භ කරන්න යන්න එපා. අඩුම තරමින් ජපානයේ තවත් ආයතනයක රැකියාවක් කරල එම අත්දැකීම් ලබාගෙන ආරම්භ කිරීම වඩාත් සුදුසුයි. නමුත් ලේසි පහසු දෙයක් නම් නොවේ.

පාසල් කාලය අවුරුදු 4 ක්ම ගත කරල රැකියාවක් සොයා ගන්න ලැබුණෙ නැති නම් දැනෙන දුක කියල වැඩක් නැහැ නේද? ඒක දන්නේ අත්දැකීම් තිබෙන අයම පමණයි නේද?

හරි අපි ඒක අමතක කරල ගම්බත්තේ රැකියාවක් හොයා ගන්න මහන්සි වෙමු.
මේ අවුරුද්දේ පාසල් ඉවර වෙන නංගිලා මල්ලීලා ජපානයේ පිළිගත් ආයතනයක රැකියාවක් කරන කොට අපිටත් ආඩම්බරයක්.

特定活動පිළිබද නොදැනුවත් නම් ඔබගේ පාසලේ මේ සදහා පත්කර සිටින සෙන්සෙයි ගෙන් අසා දැන ගැනීම ඔබට තවත් ලේසි වේවි. ශෙයා කරල තවත් සිසුවෙකුව දැනුවත් කරමු.

ස්තූතියි!
සම්පත් හෙට්ටිආරච්චි

ජපන් වීසා ලැබුන පසු ඔබ කල යුත්තේ කුමක්ද ? (ජපන් භාෂාව හැදෑරීම සඳහා)

2018 අප්‍රියෙල් සදහා ජපානයේ ජපන් පාසල් වලට වීසා ඉල්ලුම් කල සිසුන්ගෙන් අද දින ටෝකියෝ පාසල් විශාල ප්‍රමාණයකම වීසා ප්‍ර්ථිපල ලැබුනා.

ඉතින් ඒ අතරින් වීසා ලැබුණු ශ්‍රී ලාංකික සිසුන්ට මාගේ උණුසුම් සුභ පැතුම්. ඊලග පියවර වශයෙන් ජපානය බලා පිටත්විමට කල යුතු වැඩ කටයුතුද ඉතා සාර්ථකව කර ගැනීමට ලැබේවා කියාද ප්‍රාර්ථනා කරනවා.

ඔයාලට තව මාසයක කලයක් තමයි තිබෙන්නේ ලංකාවෙ ජපන් තානාපති කර්‍යාලයෙන් වීසා ලබාගෙන ජපානයට පැමිණෙන්න. සමහරවිට ඔබට හෝ ඔබේ යාලුවන්ට මේ විස්තර ජපානයට එන්න ලෑස්ති වෙන විට අවශ්‍යය වෙයි.

මුලින්ම ඔබගේ Eligibility Certificate එකේ කොපියක් ඔබ අයදුම් කල ජපන් පාසල හරහා ඔබට හෝ ඔබේ නියෝජිතයා වෙත ලබා දෙනු ලබයි. එය හරියට පරික්ෂා කර බලා ඔබගෙ පාසල් ගාස්තු ගෙවීමෙන් පසු ඔබට ජපන් පාසල හරහා Original Certificates ( Admission Certificate , Eligibility certificate) ඔය ලියකියවිලි ටික ඔබ අතට ලැබෙන්න සලස්වනවා.

ඉන් පසුව ඔබ විසින් සකස් කලයුතු ලියකියවිලි මේ ලින්ක් එක ( www.lk.emb-japan.go.jp/files/000275494.pdf ) පරික්ෂා කර බලා ඔබට අදාල ලියකියවිලි සූදානම් කර ලංකාවේ පිහිටා ඇති ජපන් වීසා සෙන්ටර් එකට භාරදිය යුතුයි. ඔබේ ජපන් වීසා සදහා අවශ්‍ය Application form එක මේ ලින්ක් එක බලන්න ( www.mofa.go.jp/files/000124525.pdf) ලියකියවිලි භාර දීමේදී ඔබට කලින් appointment එකක් දැමිය යුතුයි. එය මෙම ලින්ක් එක හරහා පහසුවෙන්ම කර ගත හැකියි. ( https://online.vfsglobal.com/Global-Appo…/…/RegisteredLogin… ) ඔබගේ වීසා ලියකියවිලි භාර දීමෙන් පසු සතියක කාලසීමාවක් ගත වෙනවා වීසා එක ලැබීමට.

මම අත්දැකීමෙන් දන්නා දෙය පැහැදිලි කලා. ඔබට තව නොදැනුවත් දෙයක් තිබේනම් ඔබේ නියොජිතයාගෙන් හෝ ජපානයේ හෝ ලංකාවෙ මේ සම්බන්ධ දැනුවත් පුද්ගලයකුගෙන් අසා දැන ගන්න. ඔබ හැමෝටම සුභ අනාගතයක් වේවා.

සම්පත් හෙට්ටිආරච්චි
201822

ජපානයට ශ්‍රී ලාංකික ශිෂ්‍යයන් ගෙන්වීම පිලිබඳ ක්‍රියාවලිය හා ඒ අශ්‍රිත පසුබිම.

ජපන් භාශාව ප්‍රගුන කරන විදේශීය සිසුන්ට ජපානය තුල සිය ඉදිරි අනාගත අභිලාශයන්ට අනුව වැඩිදුර අධ්‍යාපනය හා ජපානය තුල රැකියා අවස්තාවන්ට ජපානය දොරගුලු විවෘත  කරේ මීට බොහෝ කලකට පෙරයි. ඒ අනුව ආසියානු රටවල බොහෝ සිසුන් ජපානයට 90 දශකයට කලින් සිට පැමිනියේය. වර්තමානයේ ඉතා වැඩියෙන් ජපානයේ අධ්‍යාපන කටයුතුවල නිරතවීමට ජපානයට විදේශීය සිසුන් ඇදෙමින් පවතී.ප්‍රධාන වශයෙන් ශ්‍රී ලංකාව, බංගලාදේශය වියට්නාමය, නේපාලය, මියන්මාරය හා චීනයෙන්ද මෙලෙස ලමුන් පැමිනෙයි. ඒ අතර යුරෝපීයන්ද අඩු වැඩි වශයෙන් මේ ගොන්නට අයත් වේ.

විදේශීය සිසුන්ට යා හැකි පාසල් වර්ග ප්‍රධාන වශයෙන් 3කි.

  • නිහොන්ගෝ ගක්කෝ ( ජපන් භාශා පාසල),
  • සෙන්මොන් ගක්කෝ (ඩිප්ලෝමා පාසල – ලංකාවේ ටෙක්නිකල් කොලේජ් හා සමානය)
  • දයිගකු (විශ්ව විද්‍යාල)

ලංකාවේ සිට පැමිනෙන බොහෝ  සිසුන් මුලිමන්ම   පැමින්නේ ජපන් භාශා පාසල් වෙතයි. මෙහි අවුරුද්දකට පාසල් වාර 4ක් පවතී. ජනවාරි, අප්‍රියෙල්,ජූලි හා ඔක්තෝම්බර් වශයෙනි.ඒ ඒ වාර වලට අනුව පාඨමාලා කාලය, ගාස්තු වෙනස් වේ (ගාස්තු පාසලෙන් පාසලට හා ප්‍රදේශයෙන් ප්‍රදේශයට වෙනස් වේ) මන්දයත් ජපන් භාශා පාසල් කාලය සැමවිටම අවසන් වන්නේ මාර්තු මාසයේය. එවිට,

  • අප්‍රියෙල් වාරයේ එන සිසුන්ට පාඨමාලා කාලය අවුරුදු දෙකකුත්,
  • ජූලි වාරයේ සිසුන්ට අවුරුද්දකුත් මාස 9කුත්,
  • ඔක්තෝම්බර් සිසුන්ට අවුරුද්දකුත් මාස 6ක් සහ
  • ජනවාරි එන සිසුන්ට අවුරුද්දක පාඨමාලා කාලයක් හිමිවේ.

ශ්‍රී ලාංකීය සිසුන් වැඩි වශයෙන් තෝරාගන්නේ සහ ඒජන්සි විසින් තෝරා දෙනු ලබන්නේ අප්‍රියෙල් ජූලි හා ඔක්තෝම්බර් වාරයි. හේතුව වීසා කාලය දිගු නිසා බැවිනි. එවිට ලමුන්ට තම සෙන්මොන්ගක්කෝ (ඩිප්ලෝමා පාසල්) සඳහා මුදල් සොයා ගැනීමට අමතර කාලයක් ස්වයංක්‍රීයවම ලැබෙන නිසාවෙනි.

නියමිත ලෙස ජපන් භාශා පාසල අවසන් කරන සිසුන් ඊලගට යොමුවන්නේ සෙන්මොන් ගක්කෝ පාසල් වෙතටයි. එය ලමයාගේ අභිමතය පරිදි ලමයාගෙ අවශ්‍යතාවයන්ට පමනක් සිදුවේ. එය ඒජන්සිය සතු වගකීමක් නොව්. එහෙත් ඒ පිලිබඳ යම්තාක් දැනුවත් කිරීම අප සතු මානූශීය ගුනයකි.

ප්‍රධාන වශයෙන් භාශ පාසල් පැවැත්වෙන නියමිත දිනයන්හී පාසල් යාම(තදබල අසනීපයකදී ඇර) විභාගයන්ට මනා ලකුනු ගැනීම 200% කම අනිවාර්‍යෙ වේ. මන්දයත් භාශා පාසල්වලින් මාසයෙන් මාසයට සෑම සිසුවෙකුගේම පාසල් පැමිනීම ඔහු හෝ ඇය ලබා ගන්නා ලකුනු Immigration එකට යැවීම සිදු කරයි. මන්දයත් Immigration එක තුලින් ලමයාගේ ඊලග VISA නිකුත් කිරීම සිදු කරන්නේ සිසුන්ගේ අධ්‍යාපන කටයුතු දෙස බලාය. පාසල් යාම ප්‍රතිශතයක් ලස 95%කට වැඩියෙන් තබා ගැනීම යහපතය.

Part Time Job – අරුබයිතෝ

ජපානයට පැමිනෙන සෑම සිසුවෙක් හටම අර්ධ කාලින රැකියා සිදු කර තම ජීවන වියදම සොයා ගැනීමට ජපානය අවස්තාව ලබා දී ඇත. ඒ සතියකට පැය 28කි (නිවාඩු කාලය තුල සතියකට පැය 40යි) මාසයකට පැය 112කි. තෝකියෝ ප්‍රාන්තය තුල පැයකට අවම යෙන් 950 සිට උපරිම යෙන් 1300 වැනි ගනනක් යටතේ ගෙවීමක් ලබාගත හැක. එය තමුන්ට ලැබෙන රැකියාව අනුව අඩු වැඩි වේ. එවිට උදාහරනයක් ලෙස පැයකට 1000ක් දෙන ස්ථානයක මසකට ප්‍රවාහන ගාස්තුද ඇතුලුව යෙන් 120000ක් පමන සොයා ගැනීමට අමාරු වන්නේ නැත.

රැකියා සඳහා ඒජන්සිය 100%ක් වග කියන්නේ ද නැත. මන්දයත් අප ජපානයට යන්නේ ඉගන ගන්නට කියාය. අපට වෙනම කෙනෙක් වියදම් කරනවා යන්න ඔවුනට දැනුවත් කිරීමෙනි. එහෙත් ජපානයට යන සෑම ලමයෙකුයම රැකියාවක් අවැසි බව අප දනිමු. එම නිසාන් අපගේ ජපානය තුල තිබෙන සබඳතාවලින් ඔබට උදව් කිරීමට හොඳ ඒජන්සි  අමතක කරන්නේ නැත. කෙසෙවෙතත් භාශා පාසල් වලින්ද සිසුන්ට රැකියා සොයා දීම සිදු කරයි.

රැකියා සොයාගැනීමට ලෙහෙසියෙන්ම සිසුන්ට සිදු කරගැනීමට හැකි දෙයක් නම් “ලංකාවේදී හැකිතාක් දුරට ජපන් භාශාව ලිවීමට කියවීමට හැකිව ජපානයට යාමයි.” එය ඔබට වඩාත් යහපත් වනු ඇත. ඒජන්සි වලින් ලමුන්ව ජපානයට යැවීම සඳහා  “ජපන් භාෂාව අවශ්‍ය නැහැ” යනුවෙන් දැන්වීම් ගැසුවට කිසිදු මූලික දැනුමක් නොමැති ළමුන් මෙහෙ පැමින මුහුන දෙන ප්‍රශන අප හොඳාකාරවම දනිමු. නීතියද  එසේය. ඔබ පැය 28කට වඩා එකම රැකියාව සිදු කරොත් ඔබගේ වීසා අවසන් වූ විට නැවත ලංකාවට යාමටයි සිදුවන්නේ .

එහෙත් මේ ජපානයේ සිසුන්ගෙන් බොහොමයක්  පැය 28 කරන රැකියාවට අමතරව තවත් රැකියාවක් සිදු කරයි. එය තමන්ගේ අභිමතය වෙලාව අනුව පැය 28ක් හෝ ඊට අඩුවෙන් සිදු කල හැක. එය තරමක් අවධානම් සහගතය. ජපන් රජය බදු එකතු කරගැනීම පහසු වීම පිනිස හඳුන්වා දී ඇති my number සංකල්පය නිසා එය  වර්තමානයේ තරමක් අවධානම් තත්වයකට පත්ව ඇත. City office එකෙන් නිකුත් කරන මේ අංකයට තමන් රැකියාව කරන ස්ථානයෙන් තමන් වැඩ කරන ලද කාලය, පැයක වේතන ආදී විස්තර යවනු ලබයි. එහිදී City office එක තමාගේ බදු අය කරගැනීමේ ක්‍රියාවලිය ආරම්භ කරයි.

වීසා අලුත් කිරිමේදී ජපාන immigration එකට කිසිවෙකු පිලිබඳ සැක මතුවේ නම් ඔවුන් අදාල City office එකෙන් වීසා අයදුම්කරුවන්ගේ විස්තර ගෙන්වා ගනු ලබයි. එහිදී ඔවුන් සැලකිලිමත් වන්නේ ඔහු හෝ ඇය සතියකට පැය 28ක වඩා රැකියාවේ නිරත වූවාද සහ රැකියා එකකට වඩා සිදුකරාද යන්නයි! එහෙත් සමහරක් ආයතන එම අංකය සිසුන්ගෙන්  නොගෙන  වැඩ කිරීමට අවස්තාව ලබා දේ. එවියට එය ප්‍රශ්නයක් වන්නේ නැත.  මෙම නීති ඉදිරියේදී තදින්ම ක්‍රියාත්මක වීමට් bබොහෝ ඉඩකඩ ඇත.

සිසුවෙක් අයදුම් කරන ආකාරය සහ අවශ්‍ය ලියකියවිලි

  • ඒජන්සිය වෙත ලියාපදිංචි ගාස්තුව ගෙවීම.
  • සිසුවාගේ, මවගේ පියාගේ උප්පැන්න සහතික
  • සිසුවාගේ සාමාන්‍ය පෙල/උසස් පෙල සහතික (ඉසුරුපාය බත්තරමුල්ලෙන් රැගෙන විදේශ කටයුතු
  • අමාත්‍යංශයෙන් සහතික කර යුතුවේ.
  • පාසල් අස්වීමේ සහතික.
  • සිසුවා වෙනත් ඩිප්ලෝමා උපාධි කර ඇත්නම් ඒවායේ සහතික ප්‍රතමයෙන් ඉදිරිපත් කල යුතුවේ.

උප්පැන්න සහ පාසල් අස්වීමේ සහතික ඉංග්‍රීසී සහ ජපන් භාශා වලට පරිවර්තනය කල යුතු වේ. ඒවයේ නම්වල අකුරු නොගැලපේනම් ඒවා සඳහ දියුරුම් පෙත්සම් ලබා දිය යුතු වේ. ළමයා  සඳහා අනුග්‍රහය දක්වන්නේ කවුද යන්න වග සහ ඒ කෙලෙසෙද ඒ වත්කම් ආදියද සඳහ වන විස්තරද ඒජන්සිය වෙත ලබා දිය යුතු වේ. ඒවා ලබා දුන් පසු, එම ලේඛන පාසල වෙත ලබා දී පසලෙන් ළමයාට අනුමැතිය ලැබුන පසු පාසල් අයදුම් පත්‍ර ගාස්තුව ළමයා විසින් බැංකු ගිණුමේ තැන්පත් කර යුතුය. පසුව අදාල අයදුම් පත්‍ර පුරවා ජපානයට එවිමෙන් පසු මාස2ක් හෝ 3ක පමන කාලයකින් සිසුන්ට ජපානය ඉගෙනීමට යාහැකි Eligibility එක ලැබෙයි. පසුව පාසල් ගාස්තුවට අදාල රිසිට් පත ළමයාට එවයි. එහිදී කෙලින්ම ළමයා පාසල් ගිනුමට මුදල් බැර කරයි. සාමාන්‍යයෙම් වසරක ගාස්තුව යෙන් ලක්ශ 7 සහ 8 අතර දෝලනය වේ. පාසල් මුදල් ගෙවීමෙන් අනතරුව ඒජන්සි ගාස්තුව ගෙවිය යුතු වේ. පසුව ළමයාට තම සියලුම ලියකියවිලි සහ Eligibility සහතිකය අතටම ලබා දෙයි.

ශ්‍රී ලංකා ජපාන තානාපති කාර්‍යාලයෙන් වීසා ලබාගෙන පසුවදාම හෝ ජපානයට යා හැකිය.

-සම්පත් හෙට්ටිආරච්චි සහ මහේශ් මදුසංඛ –
සෙන්හිරු මාධ්‍ය ඒකකය  FB:senhiru.media

උපුටා ගැනීම Senhiru Media

 

ස්ථීර රැකියා ලැබිලා වීසා ඉල්ලුම් කිරීම

ජපානයේ උසස් අධ්‍යාපන පාසල් ( සෙන්මොන් ගක්කො, දයිගකු) මේ අවුරුද්දේ මාර්තු අවසන් වී ස්ථීර රැකියා ලැබිලා වීසා ඉල්ලුම් කිරීමට සිටින සෑම සිසුවෙකුම දැනුවත් විය යුතුයි.

ඔයාලා මුලින්ම ජපන් පාසලට ඉල්ලුම් කිරීමේදී පුරවන ලද 履歴書りれきしょ(Resume)එක හොදින් බලා ඒ විදියටම රැකියා වීසා එකට ඉල්ලුම් කරන 履歴書りれきしょ( Resume)එක පුරවන්න. සමහරු වීසා එක ලැබෙයි කියල හිතල තම රටේ ස්ථීර රැකියා පලපුරුදු ඇති බව සදහන් කරන අයද නැත්තෙම නැහැ. ඒ මෝඩ වැඩ කරන්න එපා.

ඔබ ජපානයට මුලින් ශිෂය වීසා අයදුම් කරන විට පුරවන ලද 履歴書りれきしょඑක ඔබ ලග නැතිනම් ඔබව ජපානයට එවපු ආයතනයන් හෝ ඔබ ගිය ජපන් පාසලෙන් දැන ගැනීමට පුලුවන්. එයාල ලග එම පිටපත් තිබෙනවා. පොඩිම හෝ වැරදීමක් තිබුණොත් ඔබගේ වීසා එක ආගමන බියුරෝ එකෙන් ප්‍රතික්ෂේප කරනු ලබනවා.

2017 ජුලි සිට රැකියා වීසා පිළිබද නීති රීති දැඩි කර ඇත. එම නිසා ඉල්ලුම් කරන සිසුන්ගේ ආයතනයෙන් නිකුත් කරනු ලබන ලියකියවිලි සහ ඔබ විසින් නිකුත් කරන ලියකියවිලි හැකි පමණින් රැකියා වීසා පිළිබද දැනුවත් කෙනෙකුගෙ උපදෙස් පරිදි
සූදානම් කිරීම ඔබට වීසා එක ලැබෙන සම්බාවිතාව වැඩි විය හැක.

අමතක නොකර ඔබ සෑම කෙනෙකුම මේ දේත් මතක තබා ගත යුතුයි. ඔබ ශිෂය වීසා කාල සීමාව තුල අර්ධ කාලීන රැකියාවෙන් උපයා තිබෙන ආදායම පරික්ෂා කර බැලිය යුතුයි. දල වශයෙන් අවුරුදු දෙකකවත් පරික්ෂා කර බැලුවොත් හොදයි. මේ අවුරුද්දේ වීසා වලට අයදුම් කරන සිසුන් නම් ජපන් වර්ෂ වලින් 28, 29 අවුරුදු වල ආදායම් ලියකියවිලි (課税証明書かぜいしょうめいしょ)පරික්ෂා කර බලන්න.

මා හිතනවා ජපානයේ ජීවත්වන සිසුන්ට වැදගත් වේවි කියල. ඔබ මහන්සි වූ අවුරුදු ගණන එක මොහොතින් වෙනස් විය හැක එම නිසා ඉදිරිය ගැන හොදින් කල්පනාකාරීව කටයුතු කරමු.

ජපන් පාසල් ජීවිතය කියන්නේ ආයෙ එන්නේ නැහැ කියන බව ඔබට මම අමුතුවෙන් කිව යුතු නැහැ ඒ වගේම පාසල් ජීවිතයට කටුක ලෙස මුහුණ දුන් විශාල ශ්‍රී ලාංකිකයින් පිරිසක් අද මහත්වරු මෙන් මේ මුලු ජපානයේම ජීවත් වෙනවා. ඔවුන්ගෙන් පසු එන ඊලග පරපුර ඔබ නිසා මේ සටහන ඔබගේ දැන ගැනීම පිණිස මුහුණු පොතේ සදහන් කලා.

ඔබ සැමට හදවතින්ම ජය පතන
සහ ජීවිතයේ ලැබූ අත්දැකීම් සමග ඔබට කථා කරන මා,

සම්පත් හෙට්ටිආරච්චි
2018.2.7

 

Student Visa එකෙන් Business Visa එකට Change Of Status කිරීමට

Student Visa එකෙන් Business Visa එකට Change Of Status කිරීමට බලාපොරොත්තුවන නවක ඔබ….. by කපිල බණ්ඩාර

මදක් නවතින්න…….

පලමුව සෙනෙහෙබර ඔබ….
දැන් අතැති වීසා බලපත්‍රය ගැන…සහ
ජපානයට මුලින්ම ශිෂයයෙකු ලෙස අයදුම් කරන විට ඔබ ලියූ බයෝඩේටාව මතකද….එහිදී…ඔබගේ පවුලේ සහ ඔබ මෙතෙක් ආ මග මේ වන විට ජපන් ආගමන හා විගමන දෙපාර්ථමේන්තුවට ලියා සහතික කර ඇත…..එය කිසිසේත් දැන් වෙනස් කල නොහැකිය…
මෙවැනි පසු බිමක සිටින ඔබ… ජපන් පාසල අවසන් වු පමනින් Business Visa වකට පිවිසිය හැක කියා සිතනවා වන්නට පිලිවන…Business Visa යනුවෙන් ඔබ අදහස් කරන්නේ කුමක්ද…ඇත්තටම ඔබ තුල Business කිරීමේ හැකියාව සහ සම්බන්ඳකම් සහ මුදල් සහ දැනුම තිබේද…
ඔබ ජපානයට එන විට පෙර කී බයොඩේටාවේ ඔබගේ Business දැනුම හෝ ඊට ආසන්න තතු ලියා තිබේද..
තම පවුලේ ආදයම මොන Business එක මතද රඳා පවතින්නේ යනුවෙන් ලියා තිබේද….
(සමහරැ කියන ආකාරයට යෙන් කොල 500ක් ලංකාවෙන් ගෙනත් Business එකක් ඇරියනම් Business Visa එකක් ගහගන්න පුලුවන් යන්න)
මොනතරම් පහසුවක්ද…..මේ කියන
Business Visa එක ගහගෙන ඔබ කරන්න බලා පොරොත්තුවන්නේ කුමක්ද….අර්ධකාලීන රැකියාවක් කරන ගමන් Business කිරීමද….
මෙය ගැමිබසින් කියන්නේ නම් හරියට අතුරේ යන ගමන වැනිය….
ලංකාවෙන් මේ මුදල ගෙනා පමනින් මේ Business Visa ගත නොහැක…මෙය
Business Visa නොව (投資経営資格ආයෝජන කළමණාකරණ සුදුසුකම් Investment management qualification)අංශයට අයත් වේ.මෙවැනි ගමනක් සාර්තක කරගැනීමට නම් නවක ඔබ වසර 4ක් වත් ජපන් බස සහ ඊට අදාල 専門知識 එනම් ප්‍රවීන බුද්ධිය තමන් සතු කරගත යුතුය. සමහර අවස්ථා වල අන් අයට මෙම වීසාව ලැබී ඇත බව ඔබට පෙනුනද ඊට අදාල පහසුකම ඔබ තුල නැතිනම් විනාශනොකොට අනාගතය… (දුවන මුවන් දැක නොහෙලනු නෙලූ පලා) මේ දැනට අතතැති වීසාව ආරක්ෂා වන පරිදි අවංකව මහන්සියෙන් ඉගෙනීමේ කටයුතුවල යෙදෙන ලෙස අවංකවම මම ඔබට පවසමී…
කියා දෙනු පරහට….
තමා සම්මතයේ පිහිටා සිට..
බුදු බනේ එලෙස සටහන්ව ඇත…ඔව් මම වසර 25 කට වැඩි මනා පලපුරැදු සම්මතයේ සිට ඔබට කියමි…..
ජපන් භාෂාව ජපන් සමාජය තුල අත්‍යවශයවේ …එය තමන් සතුකරගන්න…කථාව…කියවීම…
ලිවීම…ඔබ සතුනම් ඔනම අඩව්වක් මේ රට තුල අල්ලා නැගිටිය හැක….මා මේ රට තුල කල දේ මම දනිමි….ඒ සියල්ල තුල දරාගැනීමේ හැකියාව ප්‍රගුන කල නිසා කල දේවල්ය…ප්‍රශ්ණ ඇති බව මමද දනිමි..නමුදු තවත් ප්‍රශ්ණයකින් ඒ ප්‍රශ්ණ වලට පිලිතූරැ නොලැබේ…..සතයෙන් සතය….එකතු කරමු….එය රැපියලක් වීමට එතරම් කාලයක් ගතනොවන්නේය….

ස්තූතීයී….
මම
කපිල බණ්ඩාර

ජපානයට වීසා ඉල්ලුම් කල රටවල් වල ප්‍රථිඵල

ජපානයට 2017ඔක්තෝබර් සහ 2016ඔක්තෝබර් මස සදහා වීසා ඉල්ලුම් කල රටවල් වල ප්‍රථිඵල ලේඛන සටහන පහතින් දැක්වෙ. මෙම දත්ත සටහන වැදගත් වන්නේ ශ්‍රී ලංකාවෙ සිට ජපානයට ජපන් භෂාව ඉගෙනීමෙ බලාපොරොත්තුවෙන් වීසා ඉල්ලුම් කරන සිසුන්ගෙ සහ නියෝජිතවරුන්ගෙ දැනුවත් වීම පිණිසයි.

ඒ වගේම මෙම දත්ත සටහන ජපානයේ ලියාපදිංචි කල ජපන් පාසල් 300 කින් 220ක දත්ත සටහන් බවද දන්වා සිටිමි. මෙය හුදෙක් ඔබ සියලුම දෙනාගෙ දැන ගැනීම පිණිස බවද සලකන්න.

ස්තූතියි
ඔබ සැමට සුභ අනාගතයක්!

සම්පත් හෙට්ටිආරච්චි
2017919

2017 ඔක්තෝබර් සදහා ජපානයේ ජපන් භාෂාව හැදෑරීම අරමුණු කොටගෙන ශිෂය වීසා සදහා අයදුම් කල සියලුම ශ්‍රී ලාංකික සිසුන්ගෙ වීසා ප්‍රථිපල

2017 ඔක්තෝබර් සදහා ජපානයේ ජපන් භාෂාව හැදෑරීම අරමුණු කොටගෙන ශිෂය වීසා සදහා අයදුම් කල සියලුම ශ්‍රී ලාංකික සිසුන්ගෙ වීසා ප්‍රථිපල 2017.9.12 දින වන විට ලැබුණු දත්ත සටහන් පහත දැක්වෙන පරිදි:

Hokkaido ප්‍රදේශය:
වීසා ඉල්ලුම් කල සංඛ්‍යාව 0
වීසාපත් ලැබුණු සංඛ්‍යාව 0 
වීසාපත් ලැබුණු අනුපාතය 0%

Tohoku: Aomori, Iwate, Miyagi, Akita, Yamagata
ප්‍රදේශ:-
වීසා ඉල්ලුම් කල සංඛ්‍යාව 8
වීසාපත් ලැබුණු සංඛ්‍යාව 6
වීසාපත් ලැබුණු අනුපාතය 75%

Tokyo • Kanto: Ibaraki, Tochigi, Gunma, Saitama, Chiba ප්‍රදේශ:-
වීසා ඉල්ලුම් කල සංඛ්‍යාව 280
වීසාපත් ලැබුණු සංඛ්‍යාව 190
වීසාපත් ලැබුණු අනුපාතය 68%

Kanagawa ප්‍රදේශය:-
වීසා ඉල්ලුම් කල සංඛ්‍යාව 32
වීසාපත් ලැබුණු සංඛ්‍යාව 22
වීසාපත් ලැබුණු අනුපාතය 69%

Chubu:-
Niigata, Toyama, Ishikawa, Fukui, Yamanashi, Nagano, Gifu, Shizuoka, Aichi
ප්‍රදේශ:-
වීසා ඉල්ලුම් කල සංඛ්‍යාව 56
වීසාපත් ලැබුණු සංඛ්‍යාව 48
වීසාපත් ලැබුණු අනුපාතය 86%

Kansai:-
Mie, Nagoya, Shiga, Kyoto, Osaka, Nara, Wakayama ප්‍රදේශ:
වීසා ඉල්ලුම් කල සංඛ්‍යාව 33
වීසාපත් ලැබුණු සංඛ්‍යාව 22
වීසාපත් ලැබුණු අනුපාතය 67%

Hyogo:-
වීසා ඉල්ලුම් කල සංඛ්‍යාව 11
වීසාපත් ලැබුණු සංඛ්‍යාව 1
වීසාපත් ලැබුණු අනුපාතය 9%

Chugoku:-
Tottori, Shimane, Okayama, Hiroshima, Yamaguchi ප්‍රදේශ:
වීසා ඉල්ලුම් කල සංඛ්‍යාව 17
වීසාපත් ලැබුණු සංඛ්‍යාව 7
වීසාපත් ලැබුණු අනුපාතය 41%

Shikoku:-
Tokushima, Kagawa, Ehime, Kochi
වීසා ඉල්ලුම් කල සංඛ්‍යාව 0
වීසාපත් ලැබුණු සංඛ්‍යාව 0
වීසාපත් ලැබුණු අනුපාතය 0%

Kyushu:-
Fukuoka, Saga, Nagasaki, Kumamoto, Oita, Miyazaki, Kagoshima ප්‍රදේශ:
වීසා ඉල්ලුම් කල සංඛ්‍යාව 26
වීසාපත් ලැබුණු සංඛ්‍යාව 1
වීසාපත් ලැබුණු අනුපාතය 4%

Okinawa:-
වීසා ඉල්ලුම් කල සංඛ්‍යාව 2
වීසාපත් ලැබුණු සංඛ්‍යාව 0
වීසාපත් ලැබුණු අනුපාතය 0%

ඉල්ලුම් කල මුලු සංඛ්‍යාව 465
වීසාපත් ලැබුණු සංඛ්‍යාව 297
ඒ අනුව 2017 ඔක්තෝබර් අධ්‍යන වාරය සදහා වීසා ලැබුණු මුලු ශ්‍රී ලාංකික සිසුන් සංඛ්‍යාවෙ අනුපාතය 64%

ඉතින් මෙවර වීසා ලැබීම පිළිබද ශ්‍රී ලාංකිකයින්ට අවාසිදායක බවක් පෙනෙනවා. ඊලග වාරයට ඉල්ලුම් කිරීමේදී මීට වඩා දැනුවත්ව ඉල්ලුම්පත්‍ර සකස් කරන එක ඔබ සතු වගකීමකි. තව විශේෂ කරුණක් වනුයේ ඔක්තෝබර් මස ඉල්ලුම් කරන සිසුන් ජපන් භාෂාව N3, N4 මට්ටමක සිටීමද වීසා ලැබීමෙ සන්භාවිතාව වැඩි විය හැක.
ඉහලින් දැක්වෙන දත්ත සටහන් 2017/9/12 වන දින ගත් දත්ත සටහන් වෙ.

ස්තූතියි!
සම්පත් හෙට්ටිආරච්චි
2017915